2017年3月14日 星期二

網購:Kate spade 手袋

Kate spade 特價時買手袋,真係好抵!係當季款,但價錢比係香港專門店買平50%有多!

首先大家可以去以下網址登記,咁就可以成日收到優惠資訊,我會係佢SALE之後再有EXTRA 25% OFF時出手,呢個時候係最抵!有時會包郵的!(送到美國集運倉,我用USEX) 印象中聖誕、新年附近就係最抵!大家登記左留意!

 

https://www.katespade.com/

 

以下是我的戰利品:

連埋運費到香港也不用HKD 1000

 




 

網購:新手第一次淘寶 - 兒童益智棋

 
早前在FACEBOOK 看到有關介紹俾小朋友玩的益智棋,覺得係時候讓仔仔接觸下於是上網找找。發現淘寶有一間店有幾款想要的,可以一次過買,於是便膽粗粗試下第一次淘寶!
 
收到貨了,暫時玩了拆牆、叠椅,配對遊戲,質量都不錯!大家可以到以下LINK看看:
 
「樂遊桌遊」:
 


 
 
經過第一次淘寶後,發現原來不難,大家可以試試,以下是方法,簡述如下:
首先下載「淘寶全球」APPS,然後申請帳戶。
APPS找尋關鍵字,找到合適的貨品後,放入購物車。
7-11OK為「支付寶HK」增值。(我覺得這個較安全方便,用幾多錢充幾多錢,又不用透露太多個人資料)
然後按結算,輸入自己地址,選擇集運公司。
再用「支付寶HK」付款。
貨品入集運入到大陸的倉庫後,再用「支付寶HK付香港段的運費,便會自動出貨,送到香港地址。
全程可查看物流情況,十分方便。

親子好去處:濕地公園


親子好去處:濕地公園

早前有幸獲Baby-Kingdom 送贈全年證,於是一家四口在星期六去了濕地公園!

中午大約一時多到達,已經很多人在排隊,即場做了家庭全年證。

第一個景點,亦是小朋友很喜愛的地方:戶外迷宮,是小孩等候辦理全年證時玩樂的好地方!迷宮不是亂走的!原來有提示,只有回答正確,就能找到出路!即使是我4歲的兒子,看圖片亦能估到答案!

第二個影相位也是在門外的,是一副壁畫,十分有趣。小朋友可以扮站在「橋上」與「鱷魚」有近距離的接觸!拍照出來的效果十分好!

終於入場了!同小朋友先去了看「貝貝」,小朋友都很興奮!因為第一次看到真的鱷魚!在場亦有義工學生解答在場人士的疑問!同學解答詳細,親切友善!例如:我問了為何在貝貝的活動範圍內有魚呢?原來是供人欣賞,並不是用來餵養貝貝的!

另一個玩到不願走的地方:兒童室內遊樂場!20分鐘一節!十分好玩,有大樹屋滑梯,亦有讓年紀少一點玩的小型滑梯。2個小朋友都玩到不願意走。

之後,正式開始行!行了溪畔漫遊徑、演替之路、紅樹林浮橋。期間看了不同的植物、動物!至於三間觀鳥屋則沒有行了,因為下午5:00便要閉館了!




 

小貼士是:

1如果是四人家庭,建議購買家庭全年證!費用$200!因為每位成人每次進場已是$30!如果一年去2-3次已回本了!

2如果有全年證的收據,記住要去詢問處換取禮物一份,有顏色筆、MEMO紙等。另外亦有讓職員在卡仔上蓋印,因為多次入場,蓋夠5位印仔便可以再換禮物!

3在媽媽帶仔女看「貝貝」時,爸爸可以到對面的兒童室內遊樂場排隊。

2017年2月9日 星期四

【施巴】星級媽媽大使:用後感

早前參加了施巴的活動,有幸被選為【施巴】星級媽媽大使,收到一大支【施巴】嬰兒泡泡浴露,讓我同BB親身體驗產品。收到禮物,當然立即試用!經過連續2星期的試用,發覺效果好好!現在就同大家分享一下用後感!

 

BB的肌膚白滑嬌嫩,全身的皮膚都需要滋潤保護,不過有些部位會比較容易乾燥,經常會受磨擦及經常曝露於空氣中的部位比如皮膚摺位、手肘、肩頭、膝後及手掌腳掌等位置,會較易乾燥,需要經常保持滋潤。所以BB日常唔單止要搽護膚露,仲要留意沐浴露的成份能否做到保濕、防敏!而【施巴】嬰兒泡泡浴露含有pH5.5醫學配方,醫學實証呢個配方能夠促進一層看不見嘅pH5.5,呈弱酸性的保護膜形成喺BB皮膚上,呢層保護膜可以阻隔環境致敏原、減少皮膚水份流失、有利皮膚益菌生長。幫BB皮膚預防乾燥敏感,長遠鞏固寶寶皮膚嘅健康。經過連續2星期的試用,覺得佢真係夠滋潤,照顧到BB肌膚的需要。

 

另外,【施巴】嬰兒泡泡浴露亦非常方便使用!洗頭沐浴21,只需泵2-3下於浴盆內稀釋,免沖水,唔怕洗唔乾淨!如要打泡,又可先泵2-3下於浴盆,再開大花灑把水打向浴盆,泡泡就會形成。BB好愛玩泡泡,所以我會打泡泡俾佢玩。現在佢正值TROUBLE TWO,一邊玩一邊沖涼,減少抗拒。而且,【施巴】嬰兒泡泡浴露不澀眼睛,唔怕佢玩泡泡時整到眼仔!

 



大家有時間可以看看以下廣告:

【分享泡泡浴露廣告影片】

https://youtu.be/T3WR-oe0_go

2017年1月8日 星期日

免費2017年2月荷花BB展入場券和紗巾被

免費2月荷花BB展入場券和紗巾被
有無人有興趣一齊拎2月荷花BB展入場券和紗巾被?
之前未曾加入美贊臣BB會的媽媽可跟以下方法登記:

參加辦法
1. 登入網址 http://bit.ly/2hxYSoM 填表。
2.填寫推薦人(我)的會員號碼: 🙏
C12002913
3.上載BB的出生證明或懷孕証明

2017「BB春季購物節」 暨 「兒童成長教育展」
日期: 2017年2月24至25日(10:00 am - 8:00 pm)
            2017年2月26日(10:00 am - 7:00 pm)
地點: 香港會議展覽中心舊翼Hall 3F&G
活動細則
1. 此活動推廣期至2017年2月8日只限推廣期內於本網址登記方會被視為有效的預先登記會員的申請。
2. 《美贊臣會》新會員必須為育有從未登記之1歲或以下的嬰孩之香港父母或孕婦。申請單位以每位嬰孩為準,每位嬰孩之父母只限申請成為會員一次。
3. 現凡於本網頁上登記並確認成為《美贊臣會》新會員,
美贊臣將於2017年2月21日或之前寄出2017「BB春季購物節」 暨 「兒童成長教育展」門券及以短訊發出禮品換領詳情。美贊臣會會根據您填寫的地址發出信件,一經發出,不設補寄。請閣下於美贊臣(A03)攤位憑換領短訊(包括QR Code) 及展示已讚好的「美贊臣A+」官方Facebook專頁領取嬰兒紗巾被。逾期換領恕不接納。
 

2017年1月5日 星期四

親子好去處:鐵路博物館


親子好去處:鐵路博物館

聖誕節假期期間,我地還去了鐵路博物館!佢係在舊大埔墟火車站原址上改建而成的戶外博物館博物館主要介紹本地鐵路交通的歷史和發展,除保留舊火車站古蹟和其他鐵路設備外,還有展出窄軌蒸汽火車頭、51號柴油電動機車和六輛歷史車卡。讓小朋友看看、摸摸,親身體驗,是有趣好玩的博物館!

 

仔仔可以在路軌上行走、最愛用手摸那些石仔!囡囡則愛與火車拍照。我地可以入火車內,體會不同年代鐵路交通工具的變化。另外,一定要帶佢地去「火車模型場」!佢地可以按鈕,控制火車模型行走,又一玩到唔願走的地方!2歲的囡囡回家後常說她玩了THOMAS

親子好去處:沙田文化博物館


親子好去處:沙田文化博物館

聖誕節假期期間,我地亦去了沙田文化博物館,都係一個唔錯的親子好去處。

 

第一,  我地先去「兒童探知館」,適合小朋友參觀展館分為8個學習遊戲區。

2歲的囡囡第一樣去玩的就係「煮飯仔」,有一個區係間屋咁,讓小朋友化身為小村民,在農村生活學習區內體會昔日農村生活。

4歲的仔仔就最愛「香江童玩」展覽內的大型鬥獸棋!囡囡在這個區亦玩了一些電子玩具。

還有一個區讓小朋友認識特別的動物品種,佢地可以戴上不同動物的「眼鏡」,從這些動物的角度看世界,頗得意的

另一個區就有昔日兒童的玩意,我地一齊玩左拋豆袋。

 

第二,同一時期,亦有專題展覽:「宮囍清帝大婚慶典」。在2樓有個大電視,播放相關的卡通。展區外,亦有讓小朋友動手的小玩意,包括蓋印、繩結等,是活動及拍照的好地方。

 

第三,很快地行了專題展覽:「衣 + 包 剪 揼」展覽及「武‧藝‧人生李小龍」。小朋友沒有什麼耐性,但提提大家,可以拎本小冊子回家與小朋友一起閱讀,十分精美的!「衣 + 包 剪 揼」那本小冊子還有填色及紙公仔玩呢!
 
 

親子好去處:麥理浩夫人度假村


親子好去處:麥理浩夫人度假


聖誕節假期期間,一家大細去了麥理浩夫人度假!極力推薦大家去渡過兩日一夜的親子營。現在為大家介紹:

 

一、選擇原因:

第一,浩夫人度假營舍為獨立式平房,設有客廳、睡房及洗手間連淋浴設!選擇之前,上網查看過,發現佢係獨立屋,唔洗同人共用洗手間!呢個係我最關注的!因為小朋友得4歲及2歲,同人共用怕唔乾淨!去到後發現不論係周圍環境、定係屋內都好好、乾淨整潔。
 

第二,適合小朋友!佢有好多活動設施,就算我的小朋友年紀尚少,都有好多啱佢玩的設施!最好玩的是:自行車場!只限小朋友進場玩。小朋友自由地架車,玩到唔願走!不過,我地入營當日係指定開放的時間卻沒有開放,於是去詢問處問,佢叫我們第二天早上指定時間再去。其次,必帶小朋友去室內的兒童遊樂場。內有玩具、棋子、足球機等供小朋友玩。我仔仔愛玩足球機、囡囡愛玩車仔、小屋仔等。仲有,可係係晚上七時開始去呢度借棋返自己屋入玩,第二天歸還就可以。我地借左層層疊、RISK,玩得好開心!

第三,抵玩!我地BOOK8人房,只需$2XX (有長者、小朋友、BB 及成人)!早餐每位$16.5、燒烤包每位$42.5。兩日夜宿營連膳食,8個人共需$700多元!超值!

 

二、兩日一夜行程安排 (適合2 - 4歲小朋友)

A第一天下午

1搭專車入營

2玩室外及室內兒童遊樂

3燒烤

4屋內玩棋

B第二天上午

1早餐

2玩自行車、室內兒童遊樂

3玩吹泡泡 (自備,在屋外玩)

 
 

 

三、報名方法:

1.到以下網址查看最近一個月的營期餘

http://www.lcsd.gov.hk/tc/camp/p_lmhv.php

2.電話預訂2927 8080

3.於預訂營位當日起計3天內,前往任何分區康樂事務辦事處或設有「康體通」服務的康體場地辦事處遞交訂營表格及繳付營費。

4.訂膳食 (如有需要)

七日前把訂購表電郵至:shunfatfood@yahoo.com

然後三日前入數