著數媽媽@Yan Yan: 現場直擊報導：《美贊臣360小人類 Birthday齊齊玩》

早前參加美贊臣FACEBOOK【#愛相伴之「Birthday齊齊玩」星級生日大派對開始招募喇！】這個遊戲。有幸抽中2016年6月19日(父親節)《美贊臣360小人類 Birthday齊齊玩》，到 D ． PARK 愉景新城亞馬遜學園參加「Birthday齊齊玩」星級生日大派對！現在同各位分享一下當時的盛況！大家密切留意佢FACEBOOK，下次一定要報名參加！好值得參加！

一開始有魔術師為小朋友施展「魔法」，魔術師好識搞氣氛，仲邀請小朋友一齊互動，大家睇得好開心！

跟住就係同切蛋糕時間！有「360小人類公仔」同大家一齊切大蛋糕！然後仲有茶點招待！最精美的就係A+小CUP CAKE！好靚架！仔女都食得好滋味！

對小朋友來說最好玩的就係係「亞馬遜學園」的「自由時間」！「亞馬遜學園」其實係一個室內遊樂場！當然唔係好似公共室內遊樂場咁簡題！除左有溜滑梯、波波池、隧道等外，仲有好玩具俾小朋友玩！我個仔最愛玩騎馬仔，有好多隻不同外形的馬仔俾佢騎！

玩完後仲有一大包豐富禮物，包括美贊臣A+奶粉、拼圖、水彩顏色等！有得食、有得玩、仲有禮物！1.5小時的PARTY真係好充實！

不過，都有少少建議俾返美贊臣，就係進場的安排！由於有成50個家庭，人數十分多，每個家庭進場時都要同「360小人類公仔」合照，所以排左好耐隊才可以進場！(全部份入場後已用左超過半小時)其實同「360小人類公仔」合照的原意是好的，小朋友好喜歡個公仔！(我個仔走前都要求同公仔再次合照)但如果可以分開兩邊同時進行，或進場後在「自由活動」時間請職員按NO. 逐一邀請家庭出來拍照，或設定區域讓家庭自由合照，相信整個活動會更完美！